Կապան–Գորիս ճանապարհին միկրոավտոբուս է կողաշրջվել․ վարորդն ու ուղևորները տեղափոխվել են ԲԿ

Սեպտեմբերի 20-ին՝ ժամը 21։59-ին, ՆԳՆ 112 օպերատիվ կառավարման կենտրոն ահազանգ է ստացվել Կապան–Գորիս ավտոճանապարհի ոլորաններին տեղի ունեցած ճանապարհատրանսպորտային պատահարի մասին։

Դեպքի վայր են մեկնել Փրկարար ծառայության մարտական հաշվարկներ և Ոստիկանության օպերատիվ խմբեր։ Պարզվել է, որ «Mercedes-Benz» մակնիշի միկրոավտոբուսը կողաշրջվել է։

Վարորդն ու բոլոր ուղևորները տեղափոխվել են մարզային բժշկական կենտրոն, որտեղ անցել են անհրաժեշտ հետազոտություններ։ Նախնական գնահատմամբ՝ տուժածների առողջական վիճակը բավարար է եղել։

Աղբյուր՝ ՆԳՆ 112 օպերատիվ կառավարման կենտրոնի հաղորդագրությունը՝ հրապարակված լրատվամիջոցներում։

Գլխավոր նկարը թեմատիկ է և չի ներկայացվում որպես վթարի վայրից արված փաստագրական լուսանկար։