Ճիշտ հասկանալու և գնահատելու համար առաջարկում եմ սկզբում մոռանալ այն ամենը ինչ լսել և տեսել եք Կուսակցությունների մասին ու փորձենք քննարկել ինչ են դրանք և ինչի համար:
Կան մի քանի ընդունված ձևակերպումներ, որոնք ընդունելով հիմք կարող ենք պատասխանել ինչ է Կուսակցությունը:
- Կուսակցությունը ազգային շահը համատեղ ուժերով առաջ մղելու նպատակով միավորված մարդկանց կազմակերպություն է:
- Կուսակցությունը դա Քաղաքացիների խմբավորում է, որը ունի իրավունքներ, պարտականություններ և անհրաժեշտ է պետական կառավարմանը մասնակցելու համար:
- Կուսակցությունը հասարակության քաղաքական կազմակերպվածության բարձրագույն ձևն է, որը միավորում է հասարակության ակտիվ, վճռական և քաղաքականապես գրագետ մասին:
- Կուսակցությունը կարգապահությամբ, գաղափարական միասնությամբ, քաղաքական գործունեությանն հարմարեցված կազմակերպություն է:
Հասարակության ուժը կազմակերպվածության մեջ է: Առանց կազմակերպվածության մարդկանց խումբը ամբոխ է՝ ոչինչ, կազմակերպվածությամբ՝ ամեն ինչ:
Կուսակցությունն էլ մարդկանց քաղաքական գործընթացների համար կազմակերպող առաջին օղակն է:
Ընտրեք առաջարկված ձևակերպումներից որի հետ եք համաձայն, կամ առաջարկեք Ձեր տարբերակը քննարկման համար:
Հենց այս նյութի մեկնաբանություններում էլ կարող եք գրել Ձեր առաջարկներն ու կարծիքները:
