«Կրթության մասին» ՀՀ օրենքը կփոփոխվի

Տեղադրված է at Հունվար 13, 2021
54 0

ՀՀ ԱԺ գիտության, կրթության, մշակույթի, սփյուռքի, երիտասարդության եւ սպորտի հարցերի մշտական հանձնաժողովի՝ հունվարի 13-ին Մխիթար Հայրապետյանի նախագահությամբ կայացած հերթական նիստում առաջին ընթերցմամբ քննարկման է ներկայացվել  Կառավարության հեղինակած «Բարձրագույն կրթության եւ գիտության մասին» օրենքի նախագիծը՝ կից օրենսդրական փաթեթով, որի քննարկումը, սակայն, հետաձգվել է երեք շաբաթով: Ինչպես տեղեկացրել  է հանձնաժողովի նախագահ Մխիթար Հայրապետյանը, նման կարեւորագույն նախագծի քննարկումը  հետաձգելու պատճառը դրա  լրամշակման անհրաժեշտությունն է, ինչի շուրջ պայմանավորվածություն է ձեռք բերվել ՀՀ ԿԳՄՍ նախարար Վահրամ Դումանյանի հետ:

Երկրորդ ընթերցմամբ եւ ամբողջությամբ ընդունելու համար հանձնաժողովը քննարկել է Կառավարության հեղինակած ««Կրթության մասին» ՀՀ օրենքում փոփոխություններ եւ լրացումներ կատարելու մասին» օրենքի նախագիծը, որի նպատակը, ինչպես նշել է ԿԳՄՍ նախարարի տեղակալ Ժաննա Անդրեասյանը,  կրթության պետական կառավարման լիազորված մարմնի կողմից պետական վարչական ռեգիստրների վարման համար իրավական հիմքերի ստեղծումն է:

Հարակից ելույթում հանձնաժողովի անդամ Սոֆիա Հովսեփյանը նշել է, որ նախագծի հեղինակն ընդունել է  պատգամավորների առաջարկները,  վերացել են եղած անհամաձայնությունները, եւ նախագիծն արդեն պատրաստ է ամբողջությամբ ընդունելու համար:

Հանձնաժողովը նախագծին   դրական եզրակացություն է տվել, այն  կընդգրկվի ԱԺ առաջիկա հերթական նիստերի օրակարգի նախագծում:

Ձեզ կարող է հետաքրքրել նաև

Գիտելիքահեն տնտեսություն

Տեղադրվել է - Փետրվար 3, 2021 0
Որքան մեր ազգային առաքելությունը լավ կատարենք, այնքան աղետներն ավելի քիչ կլինեն։ Տապալել ենք մեր առաքելությունը, կորցրել ենք մեր բնօրրանի մի…

Leave a comment

Ձեր էլ. Փոստի հասցեն չի հրապարակվի:

*

code