Դուք բոլորդ տարիներ շարունակ պայքարել եք նախորդ իշխանությունների դեմ։ Թույլ չեք տվել, որ Հայաստանը դառնա Թուրքմենիայի կառավարման նման պետություն և հնարավորինս պահպանել եք անկախ պետականությունը։
Դուք ձեր պայքարով մոտեցրեցիք իրական հեղափոխությունը, բայց այն «ձիու քայլերով» տրվեց Նիկոլ Փաշինյանին, որ հանկարծ համակարգը նույնիսկ փոքր ճեղք չտա և «լվանալով» փոխանցվի՝ պահպանելով համակարգը։ Այս տարիների բոլոր սխալները և աղետները՝ սկսած իրական բարեփոխումների բացակայությունից, վերջացրած աղետալի պատերազմ, դրա արդյունքն է։
Հիմա մեր պետականության դժվարին ժամանակներից մեկն է։
Խնդրանքս է՝ բոլորով միացեք իրար։ Հնարավորինս շատ նեղ օրակարգով հարթակ ստեղծեք։ Այդ օրակարգը ըստ էության չի փոխվել և դուք բոլորդ այս կամ այն կերպ դրա կրողն եք եղել։
Ոչ մեկդ չասեք,- արի ինձ միացիր, կամ մեզ միացեք։
Առանձին կամ նույնիսկ տարբեր խմբերով, դուք չեք կարողանալու պայքարել այդ միասնական համակարգի դեմ, քանի որ ֆինանսական, ադմինիստրատիվ, գրեթե ամբողջ տեղեկատվական դաշտը իրենց է պատկանում։ Տիրապետում են սահմանափակ, բայց շատ հեշտ կառավարվող մարդկային ռեսուրսով։ Ձեր միակ առավելությունը ձեր անցած հետագիծն է և կարող է լինել հասարակական աջակցությունը։ Բայց, որպիսզի այն ձեռք բերեք, պետք է միասին լինեք։ Հակառակ պարագայում քաղաքացիների մեծամասնությունը մնալու է անհաղորդ և շատ հեշտ տուրք է տալու հերթական մանիպուլյացիաներին։
Հիշեք։ Մենք միշտ առավել հաջող ենք գործել, երբ առավել միասնական ենք գործել։
Արմեն Մարտիրոսյան
